Creamos a páxina web e a identidade visual para o proxecto APU da Universidade de Vigo

Publicado no blog de karakana o 28 Xan 2015
Páxina web e identidade visual para o proxecto APU da Universidade de Vigo

Hai uns meses, o equipo de investigación da Universidade de Vigo que leva a cabo o proxecto APU, contactou co noso estudo de deseño web, confiándonos a creación da identidade visual para este proxecto, así como a realización da súa páxina web. O proxecto APU é un proxecto de investigación realizado pola Universidade de Vigo e que conta coa colaboración da Universidade de Liverpool. Este proxecto, financiado pola Consellería de Cultura, Educación e Ordenación Universitaria da Xunta de Galicia ten como obxectivo o estudo do rendemento en materia de expresión escrita dos estudantes de primaria e secundaria.

Á hora de abordar este proxecto, existían unha seria de obxectivos ben definidos:

  • Crear a identidade visual do proxecto APU, creando unha imaxe acorde coa temática do proxecto.
  • Crear un deseño para a páxina web do proxecto APU acorde a esta identidade visual.
  • Crear unha páxina web sinxela desde a que o equipo de investigación do proxecto APU puidese:
    • Dar a coñecer o proxecto, así como todas as novidades e noticias relacionadas co mesmo, sen necesidade de contar coa axuda de persoal especializado en deseño e desenvolvemento web para a actualización dos contidos da súa páxina web.
    • Proporcionar información de contacto a calquera persoa ou institución interesada no proxecto.
    • Proporcionar información sobre o equipo de investigación do proxecto APU.

O equipo de deseño e desenvolvemento web de Karakana Factoría TIC púxose a traballar para dar resposta a estas necesidades, creando o logotipo e a identidade visual do proxecto APU, así como un deseño web baseado na devandita identidade visual. A continuación, implementamos este deseño sobre o sistema xestor de contidos (CMS) Drupal para permitir así que o equipo do proxecto APU puidese xestionar de forma totalmente autónoma o contido da súa páxina web, utilizando para iso unha potente e sinxela interfaz de administración web.

Decidimos escoller Drupal como sistema xestor de contidos para este proxecto debido á súa enorme potencia e flexibilidade. Deste xeito, grazas á súa utilización, podemos dar resposta a todas as necesidades actuais do proxecto APU de forma rápida e eficiente e, ao mesmo tempo, podemos cubrir practicamente calquera necesidade que xurda no futuro cun custo de desenvolvemento relativamente baixo.

Entre as funcionalidades que se crearán a medio prazo para este proxecto atópase a realización dunha aplicación web que permita mostrar tanto as imaxes dixitalizadas relacionadas co proxecto APU, como a transcrición das mesmas en formato XML, así como a realización de procuras dentro destes contidos.

Se desexas coñecer en maior profundidade o proxecto APU ou queres ver a páxina web que creamos para este proxecto, podes facelo seguindo esta ligazón: Páxina web do proxecto APU da Universidade de Vigo.

 

Contido Relacionado:

Categorías: Imaxe corporativa, Maquetación HTML, Portafolio, Logotipos, Deseño gráfico, Deseño web, Sistemas de xestión de contidos