Novo Sitio Web Corporativo para Fisioestetic

Recentemente, Fisioestetic confiou ao equipo de Karakana Factoría TIC a realización da súa páxina web corporativa. Fisioestetic é un centro de fisioterapia, dietética, estética e psicoterapia de recente creación que se atopa situado en Santiago de Compostela e que foi posto en marcha por un equipo de emprendedores con gran experiencia dentro deste sector.

O obxectivo deste sitio web é o de dar a coñecer a ampla e variada oferta de servizos ofrecida por Fisioestetic, así como o de manter informados os clientes e potenciais clientes do centro sobre estes servizos e sobre calquera novidade que poida resultar do seu interese.

Para iso, Fisioestetic necesitaba unha páxina web baseada nun xestor de contidos, que lle permitise actualizar calquera información do sitio web de forma rápida e sinxela, así como incorporar calquera noticia de interese para a súa clientela de forma totalmente autónoma.

Ademais, Fisioestetic necesitaba un xestor de contidos o suficientemente flexible como para permitir que no futuro o seu sitio web puidese crecer, engadíndolle novas funcionalidades destinadas tanto a mellorar o servizo ofrecido aos seus clientes, como a facilitar o traballo aos membros do equipo de Fisioestetic. A modo de exemplo, no futuro a esta páxina web engadiráselle unha área privada que permitirá facilitar o traballo do equipo de Fisioestetic así como o intercambio de información cos seus clientes.

Á vista destas necesidades, para a realización desta páxina web utilizouse o xestor de contidos Drupal, cuxa potencia, flexibilidade e amplo abanico de funcionalidades convérteno nun dos mellores sistemas xestores de contidos (tamén coñecidos como CMS ou Content Management Systems) dispoñibles nestes momentos.

Ademais, para a creación da páxina web corporativa de Fisioestetic, creamos un deseño web totalmente personalizado partindo da imaxe corporativa da empresa.

Se desexas obter máis información sobre Fisioestetic ou queres ver a súa páxina web corporativa en funcionamento, podes facelo seguindo esta ligazón: Fisioestetic Santiago.

Contido Relacionado:

• Deseño da nova identidade visual corporativa e da nova páxina web corporativa de Parking Vigo
• Deseño da nova páxina web do grupo de investigación LVTC da Universidade de Vigo
• Nova Páxina Web para a Asociación Española de Lingüística Aplicada (AESLA)
• Nova Tenda Online para a venda de probióticos (Nutralactis)
• Nova Páxina Web Corporativa para a consultoría de empresas PS Tributación e Finanzas